Մեր մասին

Ժամանակակից աշխարհը զարգանում է անհավանական արագությամբ։ Այս իրականությունը պահանջում է հաստատակամություն, տոկունություն, պատասխանատվություն և հաջողության հասնելու վճռականություն։

Հենց այս սկզբունքներով առաջնորդվելով՝ 2014 թվականին փաստաբաններ Միհրան Աղաբաբյանը և Դավիթ Ասատրյանը հիմնադրեցին «Վայզ» փաստաբանական գրասենյակը։ Ի սկզբանե մենք առաջնորդվել ենք նորարարական մտածողությամբ և ժամանակի պահանջներին համընթաց փոխվելու և զարգանալու պատրաստակամությամբ։

Մեր թիմը հաջողություններ է գրանցել ոչ միայն դատական և արտադատական գործընթացներում, պետական մարմիններում ու միջազգային կառույցներում, այլև բիզնեսի և խորհրդատվության այլ ոլորտներում։ Մենք տրամադրում ենք իրավաբանական, ներդրումային, բիզնես և ռազմավարական խորհրդատվություն։ Այս ամենը թույլ է տալիս մեզ ապահովել համապարփակ աջակցություն հաճախորդներին՝ ներդրումային ծրագրերից և գործարար հարաբերություններից մինչև առևտրային վեճեր, կազմակերպաիրավական փոփոխություններ և զարգացման ռազմավարություններ։

Մեր գործունեության հիմքում նորարարությունը, պատասխանատվությունը և նվիրվածությունն են։ Մենք մշտապես փնտրում ենք արդիական լուծումներ, ստանձնում ենք լիակատար պատասխանատվություն և աշխատում մեր հաճախորդների կայուն զարգացման ու հաջողության համար։

Մենք հավատում ենք, որ չկա այլընտրանք, քան լինել լավագույնների շարքում։ Մեր առաքելությունն է աջակցել հաճախորդներին հաղթահարել աշխարհի արդի մարտահրավերները և կառուցել ավելի հաջող ու կայուն ապագա։