Փորձառություն

Սիրանուշ Պողոսյանն ունի մասնագիտական փորձ իրավաբանական խորհրդատվության, իրավական վերլուծության և ներկայացուցչության ոլորտներում, ինչպես նաև փորձառություն դատական ոլորտում և դատական գործընթացների վերաբերյալ գործնական գիտելիքներ։ Իր գործունեության ընթացքում տրամադրել է իրավաբանական աջակցություն պետական մարմինների հետ հարաբերություններում, իրականացրել իրավական հարցերի ուսումնասիրություն և պատրաստել իրավաբանական եզրակացություններ։

Մասնագիտական գործունեության շրջանակում մասնակցել է իրավական փաստաթղթերի մշակման և կազմման գործընթացներին՝ ներառյալ իրավաբանական անձանց հիմնադրման, վերակազմակերպման և լուծարման, ինչպես նաև ներքին իրավական ակտերի մշակման աշխատանքները։ Ներգրավված է եղել աշխատանքային և քաղաքացիական պայմանագրերի իրավական ուսումնասիրության և հնարավոր ռիսկերի գնահատման գործընթացներում՝ առաջարկելով գործնական և արդյունավետ լուծումներ։

Սիրանուշ Պողոսյանն իրականացնում է նաև ապրանքային նշանների պետական գրանցման գործընթացների իրավական սպասարկում, աջակցում է նոտարական գործարքների կազմակերպմանը և տրամադրում համապատասխան իրավաբանական խորհրդատվություն։ Միգրացիոն իրավունքի ոլորտում աջակցություն է տրամադրում օտարերկրյա քաղաքացիներին և կազմակերպություններին՝ ռելոկացիայի, կացության և անհրաժեշտ թույլտվությունների ստացման գործընթացներում՝ ապահովելով համապարփակ իրավաբանական աջակցություն։